Суулгалт өвчин нь маш түгээмэл тохиолддог бөгөөд хөгжингүй орны хувьд 1 хүн 2 жилд нэг удаа суулгадаг гэсэн судалгаа байдаг бөгөөд хөгжингүй орнуудын хувьд 1 хүн жилдээ 2 удаа суулгадаг гэсэн тоо баримт байдаг. Мөн аялагчдын суулгалт маш өргөн тохиолддог бөгөөд шалтгаан нь:
Стресс
Сэтгэл хөдлөл
Хурц хоол
Ургамлын эслэг ихтэй хоол гэнэт их идэх
Шинэ орчин
Ариун цэвэр сахилт муу байх
Гуанз, ресторанаар хооллох зэрэг маш их олон шалтгаантай байдаг.
Суулгалтын үед гэдэсний дотор хананд байрлах пробиотик бактерийн хэмжээ эрс буурдаг бөгөөд энэ үед суулгалтыг эмчлэхээс гадна гэдэсний хананд өнгөр үүсгэн байрлах бактерийн хэмжээг нөхөж өгөх нь эмчилгээний ач холбогдол өндөр байдаг байна.
ДЭМБ-ийн зөвлөмжөөр суулгалтын үед шингэн нөхөх (ус, цай, ундаа, хоросол), пробиотик хэрэглэх нь суулгалтын үед өндөр үр дүнтэй гэсэн байна.
Хэрэв та мөн таны хүүхдийн баас шингэрч, хэвийн хэмжээнээс олон удаа суулгаж байвал алдсан шингэнийг нөхөх зорилгоор хоросол хэрэглэх, гэдэсний хэвийн бичил орчинг сайжруулах зорилгоор Пробиотик, мөн дархлаа дэмжих, суулгалт үүсгэгчийн эсрэг эмчилгээ авах шаардлагатай.
Гэрээр эмчилгээ хийх бол хоросол, пробиотик авах хэрэгтэй бөгөөд эдгээр нь заавал эмчийн жор шаардахгүй эмийн сангаас ороод авч хэрэглэх боломжтой юм.
Орчин үед өвдсөн хойно нь эмчлэх бус, өвчлөхөөс нь өмнө урьдчилан сэргийлэх эмчилгээ чухал тавигддаг болсон. Иймд та өөрийнхөө эрүүл мэндэд анхаарал тавьж суулгалтаас урьдчилан сэргийлэхийн тулд хоол хүнс, өөрийн болон орчны эрүүл ахуйд анхаарах, мөн гэдэсний хэвийн бичил орчинг хангах пробиотикийг хүнсний нэмэлт бүтээгдэхүүн хэлбэрээр хэрэглэх нь зүйтэй.
Эрүүлийг хүсвэл эрүүл мэндийн боловсролыг хүс.
