Аавын эрх охин хайрлахад бэрх охин
үүрээр бодож унтаад өглөө зүүдлээд сэрэх охин
Уулзах болгонд урдаа тавьсан зорилгоо мартана
халуун хайр халгин цалгина түүний хүйтэн гарт нь
Уйтгар гуниг тэр урдаа сөгдөн улин инээнэ
намайг хайрла гэсэн шиг сүрдүүлэн инээнэ
Бүжингийн арьс нөмөрсөн бүртэ чоно
биеэ дулаацуулан гарыг минь дэрлээд хоно
Хэлээр хэлээгүй ч харцаараа хайртай гэнэ
би ч гэсэн хэлж чадахгүй байна бүсгүй минь
Ирээдүйд чи биднийг юу хүлээж байгаа вэ
хэрэг хийсэн хүүхэд шиг юунаас айгаа вэ
Бидний жаргал ихэдвэл биднийг зовлон дагана
сайхан амтагдана надад жаргалын бага нь
Инээд алдаж ирээд инээгээд орхиод одно
эргэж иртэл чинь уйтгарлан би чамайг бодно
эргэж бүү хар эгцэлж битгий инээ
ингэж байхаар намайг аваад яваач бурхан минь ээ 6x
Бүгдийг чөтгөр ав би удаан тэсэхгүй нь ээ
бодол болон суусаар алдах нь ээ хайртай хүнээ
Тамын тогоо байсан ч хамаагүй яваад очъё
эрх гөлөг шиг байсандаа би хүлцэл өчье
Асуулт надад бүү тавь хариулт үгүй
нэгэнт шийдсэн одоо надад буулт үгүй
Хамт байвал бүх юм орвонгоороо эргэх юм шиг
харамсалтай байна чадаагүй би эр хүн шиг
Эргүүтсэн гөлөг шиг эргэж буцаж байсан
тэгэх болгонд чи намайг хүлээн авч байсан
Өөрөө эхэлсэн өөрөө дуусгах ёстой тийм үү
одоо бусдын бодол бидэнд хамаагүй тийм үү
Хүйтэн гарыг чинь хүйтнээр нь үлдээх болно
хугацаа хэрэгтэй бол би чамайг хүлээх болно
Зүүдлэдэг зүүднүүдээ бодит болгоё
зөн совиндоо хоёулаа боломж олгоё
Чиний төлөө би өвдөлтийг үл тооно
Чиний төлөө би духандаа сум зооно
Чиний төлөө би хайрын тухай дуу дуулна
Чиний төлөө би уулыг даваж усыг туулна
Чиний төлөө би нэр төр ясаа хугална
Чиний төлөө би чамд өгсөн зүрэхээ сугална
Чиний төлөө би дотороо уйлан гаднаа инээнэ
Чиний төлөө би хүн алахад бэлэн охин минь ээ
Ганцхан чиний царай харах тусам хөөрхөн болдог
Ганцхан чиний хажууд би шал өөр хүн болдог
Ганцхан чиний үг гашуун биш үнэн байдаг
Ганцхан чиний биед миний дуртай үнэр байдаг
Ганцхан чиний яриаг сонсох болгонд сонирхолтой
Ганцхан чинийх тохирно миний үзэл бодолтой
Ганцхан чиний сэтгэл миний итгэлийг даана
Ганцхан чиний бүх юм надад таалагдана
