Цэнхэрлэн харагдах уул нь
Чандмань эрдэнийн уул байна аа хө
Цэцэрлэг сайхан уул нь
Чамтайгаа зугаалмаар уул байна аа хө
Ногоорон харагдах уул нь
Номин эрдэнийн уул байна а хө
Ноёлог сайхан уул нь
Хүүтэйгээ зугаалмаар уул байна аа хө
Алаглан харагдах уул нь ээ
Алим жимстэй уул байна аа хө
Аглаг сайхан ууланд нь
Амрагтайгаа зугаалмаар уул байна аа хө
Хоёр талын уул нь ээ
Гоёмсог сайхнаар хосолжээ
Өөрийнхөө гэрийг барихаараа
Өрхнийхөө осрийг татуулна даа хө
Эргэн тойрон уул нь ээ
Үзэсгэлэнтэй сайхнаар хосолжээ
Өөрийнхөө гэрийг барич ээ
Өрхний чинь оосрыг татая даа хөө
Алаглан харагдах уул нь ээ
Алим жимстэй уул байна аа хө
Аавын хоёр хүү чинь
Амьдарч болмоор уул байна аа хө
Эрээлэн харагдана аа хө
Эрдэс баялагтай уул байна аа хө
Энхрий жаахан чамтайгаа хө
Энэхэн насандаа жаргана аа хө
Нарс хайлаас хоёр нь
Навчаа даагаад ганханаа
Наалинхай хоёр хүү чинь ээ хө
Насан туршдаа жаргана аа хө
