Канадын дуучин Жастин Биберийн “PurposeTourManchester” тоглолт бүтэл муутай болсон гэнэ. Тоглолтынхоо үеэр хүрэлцэн ирсэн үзэгчдэд хандан лекц маягийн зүйл ярих гэтэл талбай дүүрэн түүнийг эсэргүүцэж хашгирчээ. Харин энэ үйлдэлд дуучин залуу тун сонин хариу үйлдэл үзүүлж барьж байсан микрофоноо хаяад тайзнаас буугаад явчихжээ.
Үзэгчид түүнийг дуугаа дуулахын оронд хэтэрхий удаан нуршиж ярьсан хэмээн эсэргүүцлээ илэрхийлж, дууг нь дуулуулахыг хүссэн аж.
Хэсэг хугацааны дараа Жастин тайзан дээр ахин гарч ирээд хүмүүс өөрийг нь хүндлэхгүй байгаа талаар ярьсан юм. Манчестерийнхан намайг яриулахыг хүсэхгүй байгаа юм байна, тэгэхээр би одоо ярихгүй гээд өнөөдрийн тоглолтон дээр яагаад уцаартай байгаагаа ийн тайлбарлав.
Тэрбээр дэлхийн олон оронд аялж, тоглолт хийсэн бөгөөд түүний дууг сонсоод хүмүүс аз жаргалтай байгаасай гэж чин сэтгэлээсээ хүсдэг гэнэ. Гэвч хүмүүс хариуд нь Жастиныг үл тоосон, үл хүндэтгэсэн байдал гаргадаг хэмээн ярьжээ.
Гэсэн хэдий ч, тоглолтыг үзсэн хүмүүс ахин Жастины тоглолтыг үзэхгүй хэмээн цахим сүлжээнд үзэл бодлоо илэрхийлсэн байна.
Эх сурвалж: www.zone.mn
