Ардчилсан намаас нэр дэвшигч Хиллари Клинтонг АНУ-ын урлаг соёлын маш том давалгаа дэмжиж байсан. Тэдний нэг нь болох дуучин Майли Сайрус сонгуулийн дүн гарч Хиллари Клинтон ялагдсаны дараа харамсаж уйлж буй бичлэгээ цахим сүлжээндээ тавьжээ.
Тэрбээр улс төрд өөрийн амьдралаа зориулсан хүчирхэг эмэгтэй Хиллариг АНУ-ын анхны эмэгтэй ерөнхийлөгч болно хэмээн итгэл төгс байсан аж. Түүнчлэн найман жилийн хугацаанд хийсэн, хэрэгжүүлсэн бүхэнд нь Барак Обамад талархал илэрхийлсэн юм.
Хамгийн сонирхолтой нь тэрбээр сонгуулийн дүнгээр маргахын аргагүй ялалт байгуулж АНУ-ын 45 дахь ерөнхийлөгч болсон Доналд Трампыг хүлээн зөвшөөрч буйгаа мэдэгдсэн юм. Өөрийгөө жаргалтай хиппи хэмээн нэрлэх дуучин Майлигийн бодлоор бол хиппичүүд хэнбугайг ч хүлээн зөвшөөрөх ёстой аж. “Үүнийг хэлэхэд амаргүй байна. Гэхдээ би Доналд Трампыг АНУ-ын ерөнхийлөгч хэмээн хүлээн зөвшөөрөх болно” хэмээжээ.
Эх сурвалж: Zone.mn
