Долоовор хуруундаа зүүний сорвитой
Дээлийнхээ энгэрт сүүний үнэртэй
Орсон гарсанд дуутай цайтай
Олонтой явахын заяанд түшсэн
Ай даа хань минь чи наддаа
Амьдрал ивээх нар минь юм даа
Цагийн урсгалаар хайр минь лавшраад
Цайны чинь амтанд хамт сүлэгдээд
Цуварч уурлаж цугтаа инээж
Цаанаа чи минь намбатай л болжээ
Ай даа хань минь чи наддаа
Амьдрал ивээх нар минь юм даа
Өсөж торнисон үрсээ гэсээр
Өлгийтэй байхаас нь илүүтэй зовох юм
Өөдөсхөн жаахан ачаа үзэхээр
Өөрөөс нь илүүтэ хайртай болноо
Ээ дээ хань минь чи үрдээ
Эргэж заяахгүй ээжий л юм даа
Ай даа хань минь чи наддаа
Амьдрал ивээх нар минь юм даа
