 |
Арьс арчилгаа дутагдаж гэмтсэнээс арьсны өнгөн хэсэг суларснаар нүхжилт үүсч томордог ба мөн хуурайших эсвэл тослогтох асуудлууд байнга тулгардаг. Арьсны нүхжилт үүссэн л бол хурдан арга хэмжээ авч арчлахгүй бол нүүрний арьс унжиж, суларч, улмаар үрчлээ үүсч хөгшрөл хурдан явагдах шалтгаан болдог байна. Арьсны нүхжилтийг багасгахын тулд үр дүнтэй дүнгүй элдэв гоо сайханы бүтээгдэхүүн хэрэглэж мөнгө цаг заваа үрэх хэрэггүй.
Учир нь гэрийн нөхцөлд гарын доорх 2-3-хан цөөхөн орц ашиглаад нүхжсэн, тослог арьс арчилгааг шийдвэрлэж болох аргыг гоо сайханчид дэлгэж байна. Эдгээр арьс арчилгааны аргууд, маскууд нь байгалийн гаралтай орц ашиглах тул сөрөг нөлөө байхгүй, олдоц сайтай тул хүссэн үедээ хэрэглэж болох юм.
1. 2 хоолны халбага хүнсний содыг 2 хоолны халбага устай хольж сайтар хутгаад нүүрнийхээ тослог болон нүхжилттэй хэсэгт түрхээд 15 минут байлгасны дараа хүйтэн усаар угааж арилгана. Ус болон сода нь арьсны булчинг сэргээж агшааж өгдөг байна.
2. 2 ширхэг өндөгний цагаан, 5гр орчим нимбэгний шүүсийг холиод сайтар хутгасны дараа маск тавина. Хаттал нь 15-20 минут нүүрэндээ байлгах ба хүв хүйтэн усаар угааж арилгаарай. Энэхүү маск нь таны үхэжсэн арьсийг гуужуулж, арьсны булчинг сэргээж чангалж өгдөг байна.
3. 1/2 ширхэг нимбэгний шүүсийг 1/2 хан боргоцойноос шахаж гаргасан шүүстэй хольж хутгаад хөвөн эсвэл нимгэн даавуунд шингээж нүүрэндээ 5-7 минут орчим маск тавиад хүйтэн усаар угааж цэвэрлэнэ. Энэ нь арьсны нүхийг агшаагаад зогсохгүй арьсны гүнд хүртэл цэвэрлэж цайруулна.
4. 50гр орчим улаан лоолийн шүүсэнд 3-5 дусал нимбэгний шүүсийг дусаагаад мөн адил 15 минут нүүрэндээ түрхэж маск тавина. Тослогийг багасгаад зогсохгүй гэрэлтсэн сайхан арьстай болгоно.
Энэхүү маскуудаас 1 аргыг сонгоод 7 хоногт 3-4 удаа унтахынхаа өмнө хэрэглэх ба тууштай, тасралтгүй, зөв хэрэглэж байж танд үр дүнгээ заавал өгөх болно.
www.everyday.mn
