Халуун говийнхоо гүнээс
Хаваж оргилсонхон харз минь
Халиун толгойнхоо өмнүүр
Харгиж урссанхан гол минь ээ
Анхны цайгаа чанасан
Рашаан төгөлдөр гол минь ээ
Алаг үрээ ариулсан
Адис дээдийн ивээлт ус минь ээ
Уудам говийнхоо хаяагаар
Униартаж цэнхэрлэсэн уул минь
Бурхан буудайнхаа араас
Будантаж хөвөрсөн алтай минь
Аавын буурийг хадгалсан
Адууны хэртэй уул минь
Ашдын жаргал хайрласан
Алтайн хөх нуруу минь ээ
Томоогүй багадаа дэргүүлсэн
Тошлогт гурван хавтгай минь
Енгүн хайрхныхаа дээгүүр
Ертөнцийг чимсэн уул минь ээ
Халиун буга нь бэлчсэн
Хан тайширын алаг уул минь ээ
Хангай, алтай хослосон
Ханагар баян нутаг минь ээ
Халиун буга нь бэлчсэн
Хан тайширын алаг уул минь ээ
Хангай, алтай хослосон
Ханагар баян нутаг минь ээ
