Уртын дуу аялсан
Эрдүү цээлхэн хоолойгоороо
Урсгал дөлгөөн мөрөн шиг
Энгүүн тайван зангаараа
ДХ: Минийхээ хайрыг та минь ээ
Улам ч ихээр татах юм даа
Монгол эрийн жавхаа чинь ээ
Ухааны цараатай хосолжээ
Инээх бүрийдэ яралзсан
Хашийн цагаан шүдээрээ
Ижилдэх тусам дасгасан
Ханий сайхан сэтгэлээрээ
ДХ:
Ханхар өргөн цээжийг чинь
Налан суухад түшигтэй
Халуун дотно үгийг чинь
Сонсон суухад урамтай
ДХ: *2
Үг: Д.Данзан
Ая: Г.Эрдэнэчулуун
