Төрийн хошой шагналт, зохиолч, төр нийгмийн зүтгэлтэн Ч.Лодойдамбын мэндэлсний 100 жилийн ой энэ онд тохионо. Ойн хүрээнд түүний хүрэл хөшөөг төрсөн нутагт нь босгохоор иргэд санаачлага гаргажээ.
Тодруулбал, Жигмэдийн Дашдаваа түүний хөшөөг босгохоор санаачилж, 500 мянган төгрөгтэй данс нээн иргэдээс хандив цуглуулж байгаа аж.
Уг хөшөөний загварыг Ш.Батсуурь, Х.Баянмөнх зэрэг аваргуудын хөшөөг урласан уран барималч Б.Говьсайхан бүтээжээ.
