“Монгол Улсын филармони-45” баярын концерт энэ сарын 15-нд болно. Симфони найрал хөгжим, Баянмонгол жазз найрал хөгжим, Морин хуурын чуулга, дуучид гээд 160 гаруй уран бүтээлчид ойн баярын тоглолтдоо оролцох ажээ.
БНМАУ-ын Соёлын яамны 1957 онд Монголын радио хорооны дэргэд симфони найрал хөгжим байгуулагдсан байдаг. Ингэснээр Улсын филармонийн үндсэн суурь тавигдаж, улмаар Ардын жүжигчин, төрийн шагналт Ц.Намсрайжавын санаачлагаар Монгол Улсын филармони болгожээ. Монгол Улсын филармони нь 'Симфони найрал хөгжим', 'БаянМонгол' жазз найрал хөгжим, 'Морин хуурын чуулга'-ыг эгнээндээ нэгтгэсэн байгууллага юм байна. “Монгол Улсын филармони-45” хоёр цаг үргэлжлэх гэнэ.
