СУИС-ийн Бүжгийн урлагийн сургуулиас санаачлан Монголын бүжгийн холбоог зохион байгуулахаар хуралдлаа. Монголын бүжгийн холбоог байгуулах санал солилцох хуралд Улаанбаатар хотын театр, чуулгуудын 20 гаруй уран бүтээлч оролцов.
Монгол бүжгийн урлагийн чиг хандлагыг тодорхойлох, олон улсад сурталчлан таниулахын тулд Монголын бүжгийн холбоог байгуулан нэгдсэн зохион байгуулалтад орж ажиллах шаардлагатай гэж зохион байгуулагчид үзэж буй юм. Олон улсын бүжгийн өдөр энэ сарын 29-нд тохиож байна.
