Бүх төрлийн видеоны цахим сүлжээ Youtube орчинд хуудас хөтлөн, олон үзэгч цуглуулан, түүгээрээ мөнгө олдог хүмүүс Youtube-ээс хэчнээн хэмжээний мөнгөөр шагнуулдгаа хуваалцжээ.
Хуудас хөтөлж буй хүнд Youtube хэчнээнийг төлөх нь бичлэг тус бүрийн үзэгчдийн тооноос шууд хамаардаг аж. Түүнээс гадна 1000-аас дээш дагагчтай, нийт 4000-аас дээш үзэгдсэн цагийн бичлэгтэй хөтлөгчид Youtube-ийн түншийн хөтөлбөрт нэгдэн зар сурталчилгаагаар орлогоо нэмэх боломжтой. Чухам хэр хэмжээний мөнгө авахыг бичлэгийн үзэгдсэн цаг, урт, төрөл зэрэг хүчин зүйлс шийддэг байна. Мөн зарим хөтлөгчид орлогоо нэмэх зорилгоор зарим компаниудын сурталчилгааг бичлэгтээ оруулдаг аж. Жишээ татвал, хувийн санхүүгийн зөвлөгөө өгдөг Андрей Жик бичлэгэн дундуураа алгасч болдог сурталчилгаа байрлуулан нэмэлт орлого олдог аж. Түүний зөвлөснөөр шинэ хөтлөгчид бичлэгийнхээ төрөлд анхаарах шаардлагатай. Тухайлбал албан ёсны зохиогчийн эрхтэй дууны клипийг хуулан тавихад мөнгө олох боломжгүй.
Харин Youtube-ийн хамгийн том оддын нэг Дэвид Добрик долоо хоногийн дундаж үзэгчдийнх нь тоо 10 сая орчим байхаас үл хамаарч сард хамгийн багадаа 2000 ам.доллар олдогоо ярьжээ. Тэрбээр мөн орлогынхоо багагүй хувийг зар сурталчилгаанаас олдог аж. Нэг сая үзэгчтэй болсон хөтлөгчийн орлого цаашид өөрөөс нь хамаарч харилцан адилгүй байна.
Insider агентлаг нэг сая үзэгчтэй SemideCoco, Jade Darmawangsa, Marina Mogilko, Kevin David, Austen Alexander, Shelby Church зургаан сувгийн хөтлөгчөөс асуухад тэдний Youtube-ээс авдаг дундаж орлого 3400-40000 ам.долларын хооронд хэлбэлздэг гэнэ.
- SemideCoco 1.1 сая үзэгчтэй. Сард дунджаар 3400 ам.доллар авдаг
- Jade Darmawangsa 1.2 сая үзэгчтэй. Сард дунджаар 3600 ам.доллар авдаг
- Shelby Church 1.4 сая дагагчтай. Сард дуджаар 2000-5000 ам.доллар авдаг
- Austen Alexander 552 мянган дагагчтай. Сард дунджаар 6000 ам.доллар авдаг
- Marina Mogilko 1.7 сая дагагчтай. Сард дунджаар 10 мянган ам.доллар авдаг
- Kevin David 844 мянган дагагчтай. Сард дунджаар 40 мянган ам.доллар авдаг
Эдгээр хөтлөгч нар өөрсдийн бичлэг дээр зар сурталчилгаа байршуулах гэх мэт боломжит бүх аргыг хэрэглэдэг гэдгээ хуваалцсан юм.
Харин 150 сая үзэгчтэй болсон Пол Коски сард дурнджаар 97 мянган ам.доллар олдог аж. Тэрбээр Nerf тоглоомон бууны тухай бичлэг хийдэг бөгөөд өдгөө хэдийнэ 14 сая гаруй дагагчтай болжээ.
Эх сурвалж: INSIDER
