Дэлхийн супер од, реппэр, хөгжмийн зохиолч, продюсер Питбуллийн гайхамшигт хит дуунууд 2012 оны долдугаар сарын 21-ны өдөр Улаанбаатар хотын Төв цэнгэлдэх хүрээлэнд эгшиглэхээр товлогдоод байсан билээ. Питбуллийн тоглолт амьд хөгжимтэй байх бөгөөд хамгийн сүүлийн үеийн дэвшилтэт технологи, төхөөрөмжүүдийг ашиглан 3D тайз босгон, хамгийн хүчтэй хөгжмийн дуугаралт, лазер шоуны гайхамшгийг мэдрүүлэх болно гэдгийг “BE”-ийнхэн мэдээллээд байсан юм.
Гэвч уг тоглолт хойшлогдсон мэдээ гараад байгаа юм. Тоглолт хойшилсон шалтгаан нь дэлхийн супер од Питбулл өдөр алгасахгүй тоглолттой байгаа учраас ийнхүү Монгол дахь тоглолтоо есдүгээр сарын 8-нд болгон хойшлуулсан байна. Зарагдсан тасалбар 9 сарын 8-ны тоглолтонд хүчинтэй гэнэ. Харин тасалбараа буцаахыг хүссэн хүмүүс буцааж болох юм байна.
Д.Ариун
