Испанийн алдарт жүжигчин, мөнхийн залуу үзэсгэлэнт хатагтай Пенелопе Круз нь гэрийн сайн эзэгтэй, хүүхдүүдийнхээ сайн ээж, бас амьтны эрхийг тууштай хамгаалагч гэдгээрээ алдартай. Тэрээр үслэг эдлэл огт өмсдөггүй. Мөн эзэнгүй, гудамжны тэнэмэл муур нохойг авч тэжээдэг сайхан сэтгэлт нэгэн билээ. Харин түүнийг цагаан хоолтон гэдгийг та мэдэх үү? Доорх мэдээллээс та түүний талаар илүү ихийг мэдэж авах болно.
Зан араншингийн хувьд…?
Би үнэндээ хэтэрхий зөрүүд. Өөрийнхөө юу бодож буйг шууд л хэлчихдэг зантай. Энэ тал дээр бусдыг уян хатан байгаасай гэж боддог ч, өөрөө тийм байж чаддаггүй.
Худлаа ярих нь…?
Би худал хэлэхдээ муу. Худлаа яриахаар инээд хүрээд, амархан баригдчихдаг юм. Ер нь би худлаа ярьж чаддаггүй.
Үнэртэй усны тухайд…?
Би анх “Lancome” брэндийн үнэртэй ус хэрэглэж байсан. Энэ үнэртнийг хэрэглэх бүрт хуучны дурсамж сэргэдэг. Би “Lancome”-тай хамтарч ажиллаад 20 жил болж байна.
Ээж болсон тухайгаа яриач?
Байгаль дэлхийн зохилдлогоо үнэхээр гайхамшигтай. Эмэгтэй хүн хүүхдээ төрүүлэхийн тулд есөн сар тээдэг. Харин ээж хүн хүүхдийнхээ царайг харахаараа дахин шинээр төрсөн мэт болдог”
Жонни Деппийн талаар…?
Тэр намайг ямар ч үед инээлгэж чаддаг. Бүр гунигтай зураг авалтын үед инээлгэж дөнгөдөг шүү. Түүнээс болж “Карибын тэнгисийн дээрэмчид” киноны зураг авалт хоёр цагийн турш хойшлож байсан тохиолдол бий. Тэгэхэд би үгээ хэлж эхэлмэгцээ л инээчихээд байж билээ.
Таны дотоод мэдрэмж?
Би цаг мөч бүхэнд ямар нэг зүйлд санаа зовж байдаг. Өдөр бүр өөрийн айдсаа дарж, санаа зовохоо багасгахыг хичээдэг ч энэ бүхэн төдийлөн санаснаар болдоггүй.
Жүжигчний мэргэжлийн тухайд?
Жүжигчин хүний хамгийн чухал зүйл бол өөрчлөлт. Тухайлбал: Би Италийн “Битгий яв” кинонд тоглохдоо маш муухай царайтай хүний дүрд хувирсан. Би өөрийнхөө мэргэжлээр маш их бахархдаг. Учир нь надад хувирах боломжийг олгодог. Би сэтгүүлийн нүүрэнд гарахаас илүүтэй хүссэнээрээ өөрчлөгдөх эрх чөлөөг хүсдэг.
Гоо үзэсгэлэнгийн талаарх таны бодол?
“Зөвхөн үзэсгэлэнтэй байх нь кареераа өсгөхөд хангалтгүй. Гоо үзэсгэлэнгээ урдаа барьж дүр авсан ч, авъяасгүй бол мундаг жүжигчин болж чадахгүй шүү дээ. Өөрөөр хэлбэл авъяас, хичээл зүтгэл үгүй бол гаднах төрх гэдэг хий хоосон л зүйл.
Ажил мэргэжил…?
Би урьд нь ажлын хэнээтэй байсан. Жилд дөрвөөс таван кинонд тоглодог байлаа. Харин одоо бол ажил амралтаа зохицуулахыг илүүд үзэх болсон. Бид чинь амьдралаас таашаал авч амьдрах хэрэгтэй шүү дээ.
