8 сарын 16 америкийн дуучин, бүжигчин Мадоннагийн төрсөн өдөр юм. Forbes сэтгүүлийн хувилбараар Мадонна хамгийн өндөр үнээр дуулдаг дуучин юм. Мадоннагийн аав нь Сильвио Чикконе гэдэг итали эр. Тэрээр охиноо төгөлдөр хуур хөгжим тоглож сураарай гэж үргэлж захидаг байжээ. Гэвч Мадонна төгөлдөр хуурын хичээлд дургүй байлаа. Харин 14 настайдаа Мадонна балетын сургалтанд явжээ. Мичиганы их сургуульд Мадонна 2 жил сураад Нью-Йоркт шилжин иржээ. Нью-Йоркт байхдаа тэр бүжиг, дууны дугуйланд элссэн байна. Тэр өдрүүдэд Мадоннагийн амьдрал хүндхэн байжээ. Ирээдүйн од цагараг боов зарж, өлгүүрт ажиллаж, бас загварын студийн манеканар ажиллаж байлаа. Нэг удаа дуучин Патрик Фернандесын Франц улсад болох диско шоунд оролцох боломж гарчээ. Франц ру явж байхдаа Мадонна хөгжмийн зохиолч, хөгжимчин Дэн Гилротой танилцжээ. Тун удалгүй тэд Breakfast Club гэдэг хамтлаг байгуулжээ. Мадонна дуулж, бүжиглэж, бас гитар тоглодог байв. Энэ хамтлаг удаан оршин тогтносонгүй. Удалгүй тарлаа. 1980 онд Мадонна өөрийэн дурлалт залуу, бөмбөрчин Стивен Бретэй хамтран Emmy гэдэг хамтлаг байгуулжээ. Мадоннагийн нэг бичлэг нь дууны найруулагч Марк Кейминсийн анхаарлыг татав. Түүний ачаар Мадонна Sire Records дуу бичлэгийн компаний эзэн Сэймур Стейний анхааралд өртсөн байна. 1982 онд Мадонна Everybody гэдэг дуугаа олныё хүртээл болгожээ. Мөн Sire Records-тай хамтран ажиллаж цосог гаргах гэрээ хийв. Түүний анхны цомгийн Holiday дуу олны таашаалд хүрч, америкийн шилдэг 20 дууны жагсаалтанд багтжээ. Дараа нь энэ дуу Европын шилдэг 10 дууны жагсаалтанд орсон байна.
|
