“Тусгай салаа” киноны Номингийн дүрээр олны танил болсон загвар өмсөгч, мисс Б.Гэрэлчулуун сүүлийн үед тайз дэлгэцийн олон уран бүтээлд оролцох болсон. Тэрээр СУИС-ын жүжигчний ангийг төгссөн бөгөөд оюутан ахуй цагтаа МҮОНТ-ийн дэргэдэх “Халил” хамтлагийн ахлагч Энхбаяр гэх залуутай үерхэж байсан аж. Гэвч кинонд тоглож олны танил болсных нь дараа түүнийг монголын нэр нөлөө бүхий эрхмүүд, тэр дундаа Ц.Мянганбаяртай нэр холбох явдал багагүй гарсан. Гэсэн ч тэрээр “Ц.Мянганбаярыг загвар өмсөгч бүсгүйчүүдийг барж дуусгалаа гэх юм. Бас дуусах болоогүй охидууд байдаг юм шүү. Би өөрийн хүч хөдөлмөрөөр хэнээс ч хараат бус амьдарч чаддаг” хэмээн хэлж байсан удаатай. Түүний үерхэж байсан Энхбаяр нь “Тэнгэрийн ивээл” киноны гол дүрийг бүтээсэн бөгөөд Мотив хамтлагийн “Чамдаа” дууны клиппийг “амьдруулсан” нэгэн. Багагүй хугацааг хамт өнгөрүүлсэн найз залуугаа Б.Гэрэлчулуун тэр бүр дурсаад байдаггүй бөгөөд түүний “хүчээр” Тусгай салаа кинонд тоглосноо ч нуудаг. Үнэндээ бол “Тусгай салаа” киноны Номингийн дүрд “ТВ мисс” тэмцээний хоёрдугаар байрын шагналт Ханд тоглох байсан боловч Энхбаяр тус киноны найруулагчтай ярьж, гуйж байж экс найз бүсгүйгээ тоглуулах болсон юм билээ. Үүгээр ч зогсохгүй Б.Гэрэлчулуун Энхбаяртай үерхэж байхдаа машиныг нь уначихаад “Энийг надад Ц.Мянганбаяр авч өгсөн” гээд хээв нэг яриад явдаг байжээ. Гэвч өнөөх машин нь Toyota carina маркийн машин байсан болохоор Гэрэлчулууны үгэнд итгэх хүн ховор байсан гэдэг. Ямарсайндаа л зарим нь “Үнэтэй цайтай зүйлээр охидыг эрхлүүлдэг Мянганбаяр энэ удаад Гэрэлчулуунд арай л дэндүү харамч хандаж дээ” хэмээн инээдэм болгон ярьдаг байсан аж.
Г.Мөрөн
