Дуучин Женнифер Лопез өнгөрсөн долоо хоногт Фло Ридатай хамтран шинэ клипээ хийж дуусгажээ. Өнөөдөр тэрбээр клипнийхээ эхний 30 секундыг олон нийтийн сайтуудаар цацсан байна.
Орон нутгийн цагаар түүний төрсөн өдөр маргааш бөгөөд MTV-ээр “Goin in” хэмээх энэхүү шинэ уран бүтээлийнхээ клипийг толилуулах аж. Тэрбээр “Твиттер”-тээ “Энэ клипийг лхагва гаригт гаргахаар төлөвлөсөн. Энэ бол миний хит цомгийн уран бүтээл байх болно” гэжээ.
Энэхүү уран бүтээлийг “Исланд рекордс” студиэс гаргасан байна. 43 нас хүрч буй Женнифер Лопез “Goin in” дууныхаа талаар болон удахгүй гаргах шинэ цомгийнхоо талаар маргааш дэлгэрэнгүй ярьж магадгүй гэж түүний фэн клубийн сайтад бичжээ.
Т.Арьяа
