Дэлхийн хамгийн үнэтэй дуучдын нэг Женнифер Лопез өчигдөр Нью-Йоркийн Манхаттен дүүрэгт 43 насныхаа төрсөн өдрийг тэмдэглэлээ. Энэхүү баярын үйл ажиллагаа тансаг зэрэглэлийн хөлөг онгоцонд болсон байна.
Женнифер Лопез баярынхаа үдэш улбар шар өнгийн “Tom Ford” брэндийн даашинзаар гангарчээ. Тэрбээр найз залуу Каспер Смарттайгаа хувцасны өнгөний хувьд тийм ч гайхалтай хослоогүй бөгөөд найз залуу нь төрсөн өдрийн баярын үеэр тийм ч сэтгэл хангалуун бус байдалтайгаар идэвхгүй дүр үзүүлж байжээ.
Женнифер Лопезын төрсөн өдрийн бялуу нь баавгайн хэлбэртэй байв. Энэ нь түүнд маш гайхалтай бэлэг болсон гэж шар хэвлэлүүдэд бичжээ. Дуучны төрсөн өдрийн баярт түүний алдартай найзууд гэхээс илүү ойр дотно ажилладаг хүмүүс, дотны найзууд нь хүрэлцэн очсон байна.
Харин их үдэд Женнифер Лопез Нью-Йоркт бага хэмжээний хүлээн авалт зохион байгуулжээ. Үүнд Жессика Альба, Даниэль Хьюг гэх мэт олны танил хүмүүс очсон байна. Шар хэвлэлүүдэд бичсэнээр дуучны экс нөхөр Марк Антонио түүнд төрсөн өдрийн баярын мэнд хүргэжээ.
