Францын ди-жэй Дэвид Гуэттагийн өнгөрсөн онд гаргасан “Nothing but the Beat” цомгийн албан ёсны зургаа дахь сингл “I can only imagine” дууг саяхан клипжүүлжээ.
Энэхүү уран бүтээлийг 44 настай ди-жэй АНУ-ын R&B уран бүтээлч Крис Браун, реппэр Лиль Уэйн нартай хамтран туурвисан юм. Дэвид Гуэтта өөрийн “Твиттер” хуудсандаа “Энэ бол миний өмнөх клипнүүүдээс зураглал, шийдлийн хувьд өөр болсон. Өмнөх клипнүүд ихэвчлэн үйл явдал голчилдог байсан” гэжээ.
Дашрамд дуулгахад, “Nothing but the Beat” цомгийн “Titanium” дуу Хойд Америкийн “Billboard” чартын наймдугаарт бичигдэж байна. Энэхүү бүтээлийг дуучин Сиатай хамтран гаргасан юм.
