ДУГАРСҮРЭН Данзангийн /1925/. Завхан аймгийн Жавхлант сум. Урлагийн гавьяат зүтгэлтэн /1961-03-14. №80/.
1939-1941 онд Улаанбаатар хотод уран сайхны сургуульд суралцаж төгссөн байна. 1941-1958 онд УТТ, УХДТ-т хөгжимчин, 1958-1969 онд ААДБЧ-ын дарга, уран сайхны удирдагч, 1969-1988 онд Соёлын яамны уран бүтээлийн хэлтэст мэргэжилтнээр ажиллаж байсан. Хуучир, морин хуур, бялар хөгжмөөр голлон тоглодог, манай анхны бялар хєгжимчний нэг.
"Эх орны минь өглөө" лимбэ, ёочингийн гоцлол, "Монголын сарангоо" симфони вальс, орчин үеийн Монголын анхны симфони найраглалын нэг "1921 он", "Морин хуурт зориулсан аяз" зэрэг хєгжмийн томоохон бүтээлїїд туурвижээ. Уран бүтээлийнх нь гол сэдэв ардын армийн дайчин замнал, сүр жавхаа, энхтайван цагийн амьдрал бөгєєд эдгээр сэдвийн нэгдмэл цул болсон "Ардын армийн алдар бадартугай" магтуу оргил бүтээл нь ажээ. ДЗО-ны III, IV их наадам, 1954 онд БНСЧСУ-д болсон Монголын соёлын өдрүүдэд эх орноо тєлєєлж Ж.Чулуун, Г.Хайдав нартай гурвуул оролцжээ. Зохиолынх нь эмхтгэл "Цэргийг хүлээ" хэмээх ном Улаанбаатарт 1987 онд хэвлэгдсэн байна. "Алтан гадас" одон, Цэргийн гавьяаны одон, медалиудаар шагнагджээ.
