ЖАНЧИВ Дамбийнямын /1940/ Төв аймгийн Баян-Өнжүүл сум. МУАХ-ны хорооны нарийн бичгийн дарга байхдаа Урлагийн гавьяат зүтгэлтэн /1995-06-29. №133/.
Дундговь аймаг, тэр дундаас Адаацаг сум байгуулагдаагүй байхад тєрсєн учир тэр үеийн харьяаллаараа явдгаас бус Дундговь аймгийн Адаацаг сумын уугуул энэ хүн 1962 оноос хєдєлмөрийн гараагаа эхэлж, Улаанбаатарын Багшийн сургуульд олон жил багшилж, орчин цагийн Монголын хєгжмийн нэрт зохиолч, тєрийн хошой шагналт Н.Жанцанноров, тєрийн шагналт, урлагийн гавьяат зүтгэлтэн Б.Шарав, төрийн шагналт Ц.Нацагдорж. Х.Билэгжаргал, Ц.Чинзориг, урлагийн гавьяат зүтгэлтэн Ч.Сангидорж, З.Батсүх зэрэг хєгжмийн зохиолчид, нэрт найруулагч Ё.Цэрэндолгор гээд олон зүтгэлтнийг урлагийн замд хєтөлсєн сурган хүмүүжүүлэгч ажээ.
Соёлын яаманд хэлтсийн дарга, Монголын хөгжмийн зохиолчдын эвлэлийн холбооны нарийн бичгийн дарга зэрэг алба ажлыг хашиж явсан. "Хєх торгон дээл" дуурь, "Тамирын охин", "Мартагдашгүй намар", "Шинэ хотын гэрэл", "Зуслангийн найзууд", "Тэнгэрийн муухай арилдаг", “Газрын үнэр", "Эргэж бодох бодол", “Говийн зэрэглээ", "Ирэх хаврын цэцэг", "Мандах нарны туяа", "Алтан шонхор" уран сайхны киноны хөгжим, дан хөгжмийн зохиол олныг туурвин бүтээжээ. "Дуурьсахуй ухаан" хоёр боть ном бичсэн нь дуулаач, хөгжимчдийн мэргэжлийн чухал бүтээл болсон юм. 1983 онд МХЗЭ-ийн нэрэмжит, 1995 онд Монголын хөгжмийн зохиолчдын эвлэлийн шагнал хүртжээ.
