Ирина Шейк дэлхийн хамгийн нэртэй супермоделиудын нэг гэдгээ дахин батлав. Оросын халуун цустай бүсгүйн сурталчилж буй юм болгон тэр дороо халуун хуушуур шиг борлогддог билээ. Ирина бүсгүй өдгөө нэр хүндтэй олон брэнд бүтээгдэхүүний нүүр царайгаар тодроод байгаа. Тэдгээрийн нэг болох усны хувцас үйлдвэрлэгч Aqua Bendita компанийн сурталчилгаанд оролцон Шейк бүсгүй урин тачаангуйгаар гэрэл зургаа авахуулжээ.Саяхан тэрээр Франц улсад очиж амарсны дараагаар ажилдаа эргэн орсон аж. Үзэсгэлэнт бүсгүй өөрийн найз Криштиану Роналдугийн хамтаар Хөх тэнгисийн эрэг дээр амарсан байна. Өмнө нь Португалийн хэвлэл мэдээллийн хэрэгслүүд Оросын супермодель бүсгүйг Мадридын “Реал” багийн довтлогчтой 2012 оны Европын хөлбөмбөгийн аварга шалгаруулах тэмцээний дараа гэрлэнэ хэмээн бичиж байсан билээ.
Дурлалт хос энэ оны долоодугаар сард Криштианугийн нутаг болох Мадейра арал дээр хуримын ёслолоо хийнэ хэмээн хэвлэлүүд таамагласан. Тэднийг Франц руу нисч одоход бүгд л үүнийг нь хуримын аялал байж магадгүй хэмээн бодсон аж. Саяхны нэг өдөр Роналду буцаж ирээд багийнхаа цугларалтад оролцох үеэр түүний ядам хуруунд сүйн бөгж харагдаагүй гэнэ. Ирина бүсгүйн хуруунд ч бөгж харагдсангүй. Тэд өөрсдийн хуримын ёслолыг олноос нуусан уу, аль эсвэл гэрлэхийг тэгтлээ их яарахгүй байгаа юу гэсэн дүгнэлтийг хийж болох юм.
