Ирмүүн Агентлагаас эрхлэн гаргадаг “Цондоолой Цүндээлэй” болон “Динза” комиксын баатруудыг тоглосон “Динза Цондоолойг аварсан нь” театрчилсан тоглолт 6-р сарын 1, 2-нд УДЭТ-т тоглогдох гэж байна.
“ДИНЗА ЦОНДООЛОЙГ АВАРСАН НЬ” ХҮҮХДИЙН ЖҮЖГИЙН ТУХАЙ
Жижгээ хүү Цондоолойгийн төрсөн өдрийн баярт оролцохоор явж байх замдаа аварга том өндөг олсноор бүх үйл явдал өрнөнө. Өнөөх том өндөгнөөс нь жинхэнэ динозаврын амь зулзага гарах бөгөөд тэр нь хүний хэлээр ярьдаг аж. Харин энэ үеэр муу ёрын сүнснүүд дэлхий дээр үлдсэн цорын ганц динозаврын үр зулзагыг устгахаар ирнэ. Муу санаат сүнснүүд тэрхүү өндөг
Цондоолойд байгаа хэмээн андуурч охиныг шөнөөр хулгайлан алс хол авч одно. Бүгдийг мэдсэн түүний хайртай ишиг Цүндээлэй болсон бүхнийг Динза Жижгээ хоёрт мэдэгдэж хамтдаа найзыгаа авархаар явцгаана.
Ингээд бяцхан найзууд маань Цондоолойг аврахаар алс холын аянд гарна. Хэдийгээр Цүндээлэй, Динза, Жижгээ гурав жаахан ч гэлээ тэд үнэхээр сэргэлэн бас зоригтой учраас бүх саад бэрхшээлийг даван туулж чаддаг билээ. Энэ бүхний учир зангилаа хэрхэн тайлагдахыг “Динза Цондоолойг аварсан нь” хүүхдийн шинэ жүжгээс үзээрэй.
