Нийслэлийн Засаг дарга бөгөөд Улаанбаатар хотын Захирагч Э.Бат-Үүл ням гаригийн амралтын өдрөөр нийслэлд өрнөж буй зам засвар, бүтээн байгуулалтын ажлууд болон сургууль, цэцэрлэгийн засварын ажлын явцтай танилцлаа.Хотын дарга хичээлийн шинэ жил ойртсон энэ үед Чингэлтэй дүүргийн 43 дугаар цэцэрлэг, 61 дүгээр сургуулийн засварын ажилтай танилцаж, шаардлагатай хөрөнгө мөнгөний асуудлыг газар дээр нь шийдвэрлэлээ. Мөн Сүхбаатарын гудамж буюу Байгалийн түүхийн музейн зүүн уулзварын зам засвар, Сэлбийн хос гүүрний засвар шинэчлэлт, Сансарын тунелийн зүүн уулзварт баригдаж буй нүхэн гарцны ажлын явцыг газар дээр нь үзэж шалгаад ажлыг чанартай гүйцэтгэж, хугацаанд нь хүлээлгэн өгөхийг даалгалаа. Мөн Улаанбаатар хотын замын хөдөлгөөн ачаалллыг бууруулах цогц арга хэмжээг боловсруулж, ойрын үед танилцуулахыг холбогдох албаныханд үүрэг болголоо гэж Нийслэлийн Хэвлэл мэдээллийн албанаас мэдээллээ.
