Амьд хөгжим, рок хэмнэлийг хөхүүлэн дэмждэг “Corrosion” сэтгүүл болон хүсэл сонирхол нэгдсэн залуусын “Sea son” бүлэг хамтран энэ сарын 29-нд “Sea son 3” металл рок тоглолт хийнэ. Уг тоглолтод “Silent stream”,“Хос сүх”, “Нисванис”, “Алтан ураг”, “Greenwood”, “Prop hets”, “Зүгээр л” зэрэг хамтлаг оролцож, хүнд хөгжим сонирхогчдыг доргиох аж.
Таван цагийн турш үргэлжлэх уг тоглолтод “Нисванис”-ын “Эмийн сан руу алхсан нь”-аас эхлээд “Зүгээр л” хамтлагийн “Зургаа дахь мэдрэхүй”, “Зүгээр л” зэрэг металл дуунууд эгшиглэнэ.
