Поп хөгжмийн ертөнцөд цангинасан дуу хоолойгоо үүрд хадааж чадсан дуучин Пинкийн шинэ цомог удахгүй фэнүүдэд нь хүрэх нь ээ. Тэрээр эрч хүчтэй, хит дуунуудаараа хөгжим сонирхогчдыг байлдан дагуулдаг дуучин бүсгүй маань ээж болоод хэсэгтээ амралт авсан. Тэгвэл одооноос түүний “хөгжмийн засварлага” дуусч, ажилдаа эргэн оржээ. Өдгөө 32 настай Пинк өөрийн шинэ цомгийнхоо танилцуулгыг “Youtube” цахим хуудсанд байршуулсан байна.
Түүний цомгийн нэр нь “ Итгэл үнэмшил” хэмээн нэрлэсэн бөгөөд цомогт нь хайр сэтгэлийг багтаасан бүтээлүүд зонхилох болжээ. Тус цомог есдүгээр сарын 18-нд фэнүүдэд нь хүрэх гэнэ. Харин түүний шинэ цомгийн хамгийн эхний дуу нь “Blow me /One Last kiss/” аж. Сүүлийн үед шаргал үст Пинкийг “Х-Фактор” шоу нэвтрүүлгийн шүүгчээр ажиллана гэж шуугиж байсан ч энэ бүхэн нь худлаа байжээ.
