Монгол төрийн үндэсний хөгжмийн их найрал үүсэн байгуулагдсаны 50 жилийн ой энэ онд тохиож байна. Ойн хүрээнд Үндэсний дуу бүжгийн эрдмийн чуулгынхан рок, попын алдарт дуучидтай хамтран нэгэн сонирхолтой, нэртэй өвөрмөц тоглолт хийхээр болжээ.
Монгол төрийн үндэсний хөгжмийн Их найрал үүсэн байгуулагдсаны 50 жилийн ой тохиож байгаа бөгөөд ойн ажлын хүрээнд үндэсний хөгжмийн их найрал рок попын дуучидтай хамтарч “Рок попын оддын их хуралдай” тоглолтыг энэ сарын 25-нд хийхээр болжээ. Уг тоглолтод “Харанга” хамтлагийн дуучин Х.Лхагвасүрэн, “Чингис хаан” хамтлагийн ахлагч, Гавьяат жүжигчин Д.Жаргалсайхан, Б.Сарантуяа, Т.Ариунаа, ЖАлтанцэцэг, “Никитон” хамтлагийн ахлагч Ц.Батчулуун, Төрийн соёрхолт дуучин Д.Болд, “Номин талст” хамтлагийн дуучин Т.Дэлгэрмөрөн, “Хар сарнай” хамтлагийн ахлагч С.Амармандах, төгөлдөр хуурч Б.Чинбат, хийлч Ч.Дэлгэрцацаг нар оролцон ая дуугаа өргөх юм байна.
Соёлын төв өргөөнд ганцхан удаа эгшиглэх уг тоглолтын хөгжмийг Монгол төрийн их найрал тоглох ажээ.
www.urlag.mn Ayu
