Монгол Улсын филармонийн дэргэдэх “Баян Монгол” чуулгын уран бүтээлчид сонсогчдодоо сар шинийн бэлэг барихаар бэлдэж байна. Энэ сарын 17-нд болох “Эргэн санахад” тоглолтод тус чуулгын жааз найрал хөгжмийг урлагийн гавьяат зүтгэлтэн Б.Ганбат удирдаж, 1970, 1980-аад оны дуунуудыг эгшиглүүлэх аж.
Тоглолтод гавьяат жүжигчин Х.Төмөрбаатар, соёлын тэргүүний ажилтан С.Баттулга, Н.Оюунчимэг, Ж.Уранчимэг, дуучин А.Эрдэнэжаргал, Д.Отгонжаргал, О.Болдбаатар, Н.Пүрвээ нар оролцож, “Бүсгүй минь чи инээмэглэж яваарай”, “Навчин дээрх шүүдэр”, “Дуугий минь чи дуулаарай, “Аяны шувуу” “Бүсгүйчүүд” зэрэг сонсогчдын сэтгэлд хоногшсон дуунуудыг дуулна.
