“Хуан Жу гэг” олон ангит киноны дүрээр монголчуудын танил болсон БНХАУ-ын жүжигчин Жао Вэй наймдугаар сарын сүүлчээр манай улсад ирнэ.
Тэрбээр энэ сарын 29-нөөс ирэх сарын 28 хүртэл үргэлжлэх БНХАУ-ын соёлын сарын хүрээнд болох Хятадын киноны долоо хоногт оролцох аж. Түүнчлэн уг арга хэмжээний хүрээнд Соёлын төв өргөөнд нээлтийн тоглолт хийж, “Улаан хад”-ны түүх, соёлын олдворыг харуулсан гэрэл зургийн үзэсгэлэн дэлгэх юм. Энэ үеэр ӨМӨЗО-ны соёл, урлагийн алдартнууд ч хүрэлцэн ирэх гэнэ. Хоёр улсын Засгийн газар хоорондын гэрээний дагуу соёлын сарыг БНХАУ болон Монгол Улсад харилцан зохион байгуулдаг бөгөөд манай уран бүтээлчид дөрөвдүгээр сард тус улсад айлчлан тоглоод ирсэн билээ.
М.Нандин-Эрдэнэ
