Орчин үеийн хөгжмийн “Пентатоника-2012” наадам өнөөдөр Халимагийн нийслэл Элстадад эхэлж байна. Уг наадамд Монголын хөгжмийн зохиолчдын холбооны гишүүн, хөгжмийн зохиолч Г.Төвшинтөр, Цэн.Эрдэнэбат, Ш.Өлзийбаяр нар оролцож байгаа юм. Энэ удаагийн наадамд Г.Төвшинтөр “Баруун монгол” симфонисюит, Цэн.Эрдэнэбат “Rock painting” симфони уран сэтгэмж, Ш.Өлзийбаяр “Чавхдаст хөгжимд зориулсан дөрвөл” бүтээлүүдээрээ тус тус оролцож байгаа юм. Тэгвэл Монгол улсаа төлөөлөн оролцож буй уран бүтээлчид өнөөдөр дээрх бүлээлүүдээ тоглож байна. Монгол туургатны хөгжмийн “Пентатоника” наадам анх 2009 онд Элстад болж байсан юм. Энэ наадмыг Халимагийн хөгжмийн зохиолч Аркадий Манжиев анх санаачилсан бөгөөд уг наадам Монгол туургатны хөгжмийн өв соёлд аль болох олон хүнийг татах зорилготой ажээ.
Б. Дэжид
