УДЭТ-ынхан жил бүрийн намар хөдөө орон нутгийг зорьж, сонгодог урлаг, тэр дундаа драмын урлагийн бүх нийтэд хүртээлтэй хүргэх үйлсэд сэтгэл шулууддаг. Тэгвэл энэ жил 37 хүний бүрэлдэхүүнтэй баг баруун аймгуудыг зорихоор төлөвлөжээ. Тэд Д.Мэндсайханы “Ээж ээ”, Ш.Гүрбазарын “Надаар тоглосон хайр”, Б.Лхагвасүрэнгийн “Тамгагүй төр” драмын жүжиг болон С.Михалковын “Бардам туулай” хүүхдийн жүжгийг толилуулах гэнэ. Баруун аймгуудаар аялах багийн ахлагчаар Ардын жүжигчин Г.Мягмарнаран томилогджээ.
Сонирхуулахад, УДЭТ ирэх намрын нээлтийг У.Шекспирийн алдарт “Гамлет”-аар хийхээр зэхэж буй.
www.urlag.mn Ayu
