Холливудын поп дива "Marian Carey" “Америкийн шүтээн”-ий шинэ шүүгчээр ажиллах болсныг “Фокс” телевиз олонд зарлалаа. Хоёр жилийн турш уран бүтээлээсээ холдож, гэр бүлтэйгээ ойр байсан тэрбээр хоёр ихэр хүүхэд гаргаж фэнүүддээ “бэлэг” барьсан билээ. Харин тэрбээр дахин хөгжмийн ертөнцөд хөл тавьж байна. Гэхдээ тайзан дээрээс олонд ая дуугаа өргөх бус ширээний ард шүүгчийн байр сууринаас залуу дуучдыг од болох замыг нь засах гэнэ.
"Marian Carey" “Би Америк мөрөөдөлд дурлагсдын том туслах байна гэдэгтээ итгэж байна. Гэхдээ надад энэ талаар хангалттай туршлага байхгүйг бүгд мэдэж байгаа ч өөрийнхөө чадах бүхнийг гаргана” гэжээ.
Одоогоор “Америкийн шүтээн” нэвтрүүлэгт Стивен Тайлор, Женнифер Лопес зэрэг алдартнууд шүүгчийн суудалд данстай буй.