Эх орныхоо нэрийг дэлхийн урлагийн ертөнцөд олонтоо гаргаж яваа Монголын авъяаслаг хөгжимчин, өнгөрсөн жил “Давтагдашгүй” тоглолтоо таван үдэш тоглож, Монголын рок попод өөрийн гэсэн үл давтагдах өнгө төрхтэй гэдгээ харуулсан хөгжмийн зохиолч Б.Чинбат энэ сарын 17-19-нд Улсын циркт “Эзлэн” шинэ тоглолтоороо өөрийгөө дахин шинээр нээн харуулах гэж байна. Энэ удаад бид түүний симфони оркестрын бүтээлийг сонсохоос гадна Чинбааг найрал хөгжмийн удирдаачаар харах болно. Өнгөрсөн жилийн тоглолт эрч хүчтэй, дуулиан шуугиантай болж байсан. Энэ удаагийн тоглолт үзүүштэй, сонин тоглолт болно гэдгийг Төрийн соёрхолт хөгжмийн зохиолч Н.Жанцанноров, Б.Шарав гуай нараас эхлээд хэлээд эхэлжээ.
Энэхүү тоглолтын тасалбарыг үзэгчид эрж сурж эхэлсэн байна. Тоглолтын тасалбар өнөөдрөөс албан ёсоор гарчээ. Улсын циркийн касс болон Hi-Fi, Оранж CD shop-уудын кассаар болон хэрэв та ажилтай, завгүй байгаа бол 1109, 1950 утсаар захиалбал үнэгүй хүргэж өгөх юм байна. Тасалбарын үнэ суудлаасаа хамаараад 10 мянга, 20 мянга, 30 мянга, 100 мянгын ханштай байна.
Таныг урлагийн тэнгэр ивээг…
www.urlag.mn Ayu
