One Direction “Teen Awards” шагнал хүртжээ

Орчин үеийн дуу хөгжим сонирхогч залуусын дунд нэр хүндтэй хөвгүүдийн хамтлаг болох  Английн “One Direction” хамтлаг өнгөрсөн ням гаригт болсон “Radio 1”-д оролцож “Teen Awards”-ийн шагналыг хүртжээ. Түүнчлэн уг шоунд Английн залуусын дунд хамгийн нэр хүндтэй дуучид хамтлагаас гадна X Factor-ын шилдгүүд гэдгээрээ алдартай Том Дэйли, Даниэл Радклиф нар мөн оролцсон байна. Түүнчлэн дэлхийн болон Английн томоохон тэмцээнүүдэд ихээхэн амжилт гаргасан тамирчид мөн оролцсон аж. Тухайлбал, 2012 оны паралимпийн алтан медальт тамирчин Элли Саймонс мөн “Teen Awards”-ийн шагналыг  хүртсэн байна. Энэхүү шагнал нь орчин үед үе тэнгийхэндээ үлгэр дууриалал болж, залуусыг байлдан дагуулж буй залууст олгодог урлагийн томоохон шагналуудын нэг юм. “One Direction” хамтлаг нь 2010 оноос эхэлж олонд танигдсан бөгөөд 2010 оны X Factor-т оролцож байсан юм. Тус хамтлагийн анхны сингл болох “What makes you beautiful” дуу нь UK chart-д удаа дараалан нэгдүгээр байр эзэлж байсан аж. Харин One Direction”-ий анхны цомог нь 2011 оны арваннэгдүгээр сарын 21 нд “Up all night” нэртэйгээр худалдаанд гарч байсан юм. Тус цомог нь худалдаанд гарснаасаа хойш хамгийн хурдан борлогдсон цомгоор мөн шалгарч байжээ.