Кэт, пүүз бол залуусын өдөр тутмын хэрэглээ юм. Тиймдээ ч загвар, хийцийн хувьд хамгийн сүүлийн үеийнхийг тэд худалдаж авахыг хүсдэг.
Кэт, пүүз анх Европт үүссэн. Загвар зохион бүтээгчдийн ярьснаар кэтний уламжлалт загвар сүүлийн 50 гаруй жилийн хугацаанд төдийлөн өөрчлөгдөөгүй. Гэхдээ чанар, хэлбэр хийцийн хувьд өөрчлөгдөж улам сэтгэл татам болсон гэхэд буруудахгүй.
“Nike” фирмийн загвар зохион бүтээгч Колин Ронн ярихдаа “Кэт, пүүзний загвар цаашид хэрхэн өөрчлөгдөхийг хэлж мэдэхгүй байна. Дэлхийн өнцөг булан бүрийн үйлдвэрлэгчид янз бүрийн загвартайг үйлдвэрлэж байна” гэжээ.
“Adidas” компани кэт, пүүзнийхээ уламжлалт загварыг хадгалахыг эрхэм болгодог. Гэхдээ хэвлэлүүдэд тархсан мэдээллээр ойрын хоёр жилийн дотор загвар, хийцийн хувьд томоохон өөрчлөлт хийж залуусын дунд нэр хүндээ олж авахыг хичээх бололтой.
15-30 насны залуусын 70 орчим хувь нь “Nike” брэндийн пүүз, кэт өмсдөг гэсэн судалгаа байдаг.
