Өмнөд Африкийн загвар зохион бүтээгч Лиани ван дер Вийр саяхан хамгийн этгээд загвартай гутал урлажээ. Дуучин Лэди Гагагийн өмсдөг гутлууд өвөрмөц загвартайгаараа ялгарч чаддаг.
Лиани ван дер Вийр ярихдаа “Энэ бол загварын хувьд шинэчлэл хийсэн гутал юм. Итгэмээргүй, өмсөхөд бэрхшээлтэй харагдах ч гэлээ шинэ үеийн загварыг тодорхойлж чадна. Үүнийг өмссөн эмэгтэй бусдаас өндөр харагдана” гэжээ.
Тэрбээр Голландын их сургуульд суралцдаг бөгөөд саяхан энэхүү загварын гутлаараа шагнал хүртсэн байна. Лиани ван дер Вийрийн ярьснаар түүний загвараар гутал үйлдвэрлэхийг Голландын гутал үйлдвэрлэгч “Рене ван дер Берг” үйлдвэр худалдаж авчээ.
Залуу загвар зохион бүтээгч “Хүмүүс шинэ зүйлийг эрэлхийлж байна. Лэди Гагагийн имижмэйкерүүд түүнийг шинэлэг байлгахын тулд маш их ажилладаг. Тэр өөрийн хэв маягаараа бусдад танигдсан. Загвар зохион бүтээгчид сэтгэлгээгээ эвдэх хэрэгтэй” гэж ярьжээ.
