Намрын кино давалгаа кино сонирхогч тань руу чиглэж эхэллээ. “Гарал угсаа” нэртэй шинэхэн кино нээлтээ хийхээр зэхэж буй тухай бид өмнө нь мэдээлсэн бол мөн “Хунгийн сүүлчийн дуу” бүтээл үзэгчдийн хүртээл болоход хэдийнэ бэлэн болжээ. “Шинэ үе” продакшны жүжигчин Р.Алтансүх буюу Асий уг киног найруулсан бөгөөд Драмын театрын жүжигчид, “Шинэ үе”, “X-ТҮЦ”, “Маск”, “TV Cocktail” продакшны уран бүтээлчид оролцон тогложээ. “Twins film”-ийн шинэ бүтээл “Хунгийн сүүлчийн дуу”-г А.П.Чеховын зохиолоос сэдэвлэн бүтээсэн гэнэ.
Уран бүтээл хэрхэн бүтдэг, жүжигчид дүр бүтээхийн тулд хэрхэн зовж, хөдөлмөрлөдөг тухай харуулах энэ кино удахгүй нээлтээ хийх юм байна.
