“Оскар”-ын хоёр удаагийн эзэн, алдарт кино жүжигчин Том Хэнкс удаан хугацааны завсарлагын дараа тайзандаа буцаж иржээ.
Тэрээр мөдхөн Бродвейд “Азтай эр” хэмээх жүжигт тоглох нь тодорхой болсон байна. Уг жүжгийг “Сиэтл дэх нойргүй хүмүүс”, “Танд захиа” зэрэг киноны найруулагч Нора Эфрон бичсэн аж.
Энэ оны зургаадугаар сард Нора Эфрон нас барсан ба түүний “Азтай эр” сүүлчийн жүжиг бодит баримтад үндэслэн зохиогдсон аж. Гол агуулга нь 1980-аад оны үед нэр нь сонсогддог байсан Нью-Йоркийн сэтгүүлч МакАларийн сэргэн мандалт, уналтын тухай өгүүлдэг юм байна.
1988 онд МакАлари цагдаагийн офицерүүдэд зодуулж, хүчирхийлүүлсэн Гаити улсын иргэн Эбнер Луимийн тухай бичсэн нийтлэлээрээ Пулитцеровын шагнал хүртэж байжээ.
Том Хэнкс 1979 онд Riverside Shakespeare компанитай байгуулсан гэрээгээ дууссанаас хойш тайзаа орхин түр завсарласан байна.
Тун удахгүй бид Том Хэнксийг “Cloud atlas” хэмээх Энди, Лана Вачовски нарын бүтээл болох ирээдүйн тухай зөгнөлт кинонд олж харах аж.
Энэхүү киноны трэйлерийг сонирхуулъя.
www.urlag.mn Ayu
