Улсын филармонийн гоцлол дуучин СТА С.Баттулга “Миний эх орон” бие даасан тоглолтоо хийх гэж байгаа билээ. Тус тоглолт дуучин С.Баттулгын хувьд уран бүтээлийн дөрөв дэх тоглолт нь аж. “Миний эх орон” тоглолт энэ сарын 20-нд Соёлын төв өргөөнд болох гэнэ. Мөн тэрбээр удахгүй, тоглолтынхоо дараа “Миний эх орон” цомгийн баяраа нижгэр тэмдэглэхээр төлөвлөснөө ярьж байсан.
Түүнчлэн уг тоглолтод Улсын филармонийн симфони оркестр, Морин хуурын чуулга, ХЦДБЭЧ-ын найрал дуучид, багш МУСТА Ч.Найдалмаа нь, МУСТА Г. Бүрнээбаяр, хийлч Ч.Дэлгэрцэцэг, “Нюанс хамтлаг”, “Voice” групп гээд шилдгүүдээс бүрдсэн баг оролцох ажээ.
“Жинхэнэ мэргэжлийн хэмжээний тоглолт болно. Бэлтгэл ажил нь бүрэн хангагдсан. Мөн тоглолтод ирсэн хүмүүст цомгоо хямдралтай худалдах гээд олон сюрпризээр дүүрэн байх болно” хэмээн зохион байгуулагчид нь амласан юм.
