Элизабет Тейлорын нөхөр асан домогт жүжигчин Ричард Бертон “сексийн хамаарал” хэмээх өвчнөөр шаналж байсан гэдгийг түүний намтар бүхий номноос мэдэж болох ажээ. Амьдралынхаа сүүлийн 30 жилд тэр долоо хоног болгон гурван өөр эмэгтэйтэй унтдаг зуршилтай болоод байв. Ричард Бертон нь эхнэр Сибилээсээ салаад Элизабет Тейлор дээр ирэхэд тэднийг Холливудын хамгийн сайхан дурлалын түүх хэмээн шуугицгааж байсан. Гэтэл тэдний харьцаа энгийн сайхан хайр дурлалын роман биш байсан бололтой. Тэд хоёр ч удаа гэрлэсэн. Гэхдээ Ричардын хувьд Сибил, Элизабет хоёрыг хоёуланг нь араар тавьдаг байсан аж.
1947-1975 оны хооронд Бертон бараг л өдөр болгон шинэ хүүхэнтэй энгэр зөрүүлдэг байжээ. Энэ хугацаанд 600 орчим бүсгүйтэй амрагласан гэх тооцоо ч байдаг. Гэвч түүний энэхүү амжилт нь 1970-аад оны зартай плейбой “домогт Дон Жуан” гэгдэх Уоррен Биттигийн сүр хүчинд дарагдаж байсан ажээ. Тэдний ялгаа гэвэл Ричард гэрлэсэн гэдгээрээ л өөр байж. Бертоны намтар түүхийг судлаачдын үзэж байгаагаар тэрээр 50 нас хүртлээ “сексийн хамаарал” гэх эмгэгээр өвчилсөн тодорхой гэнэ. Тэр үнэндээ бол бүсгүйчүүдтэй романтик хэлбэрээр болзож, сексийг жинхэнэ соёлт эр шиг хийдэггүй байсан аж. Бертон өөрийн амрагуудтайгаа бараг л араатан амьтан адилаар харьцаж зөвхөн секс л хийхийг тэднээс шаарддаг байсан гэжээ.
Р.Слава
