Оросын нэрт хөгжмийн зохиолч М.И.Глинкийн нэрэмжит олон улсын дуурийн дуулаачдын тэмцээний тэргүүн байрын шагналт Цагдаагийн “Сүлд” чуулгын гоцлол дуучин МУГЖ Г.Ариунбаатар “Монгол сонгодог” төслийг санаачлан хэрэгжүүлж эхэлжээ. Тус төслийн нээлт болгож монголын нэрт хөгжмийн зохиолч Төрийн хошой шагналт, АЖ Н.Жанцанноровын сонгодог бүтээлүүдээр “Монгол сонгодог” цуврал-I талархалын концертоо энэ сарын 30-нд Тусгаар тогтнолын ордонд хийхээр болжээ.
Тоглолтонд урилгаар Монголын сонгодог урлагийн төлөөлөл болсон АЖ А.Долгор, ДБЭТ-ын гоцлол дуучин СТА Ө.Уянга, Voice group-ийн дуучин СТА Д.Отгонжаргал нар оролцох гэнэ.
Түүнчлэн тоглолтын хөг аялгууг эгшиглүүлхээр Төрийн шагналт, Ардын жүжигчин Ц.Намсрайжавын нэрэмжит Улсын филармоны симфони найрал, Морин хуурын чуулгын хөгжимчид бүрэн бүрэлдхүүнээрээ оролцох ажээ.
“Монгол сонгодог” төслийн зорилго нь дэлхийн энэтэй монголын сонгодог уран бүтээлчдийн сор болсон бүтээлүүдийг дэлхий нийтэд сурталчлан таниулах, монголын үзэгчиддээ тэр гайхалтай дэлхийн хэмжээний бүтээлүүдийг үзүүлж мэдрүүлхэд оршиж байгаа ажээ.
Та бүхнийг урлагийн тэнгэр ивээг…
www.urlag.mn
