Дэлхийн супер од Рианна экс найз залуу болох дуучин Крис Браунтай хамтран "Unapologetic" цомогтоо багтсан "Nobodies Business" гэх шинэ дуу бүтээснээ албан ёсоор зарлалаа. Рианна энэ тухай “Twitter”-тээ бичиж, шүтэн бишрэгчдийнхээ саналыг сонссон байна. "Nobodies Business" дуу нь Крис, Рианна нар салснаас хойш хамтран гаргасан гурав дахь дуу бөгөөд тэд үүнээс өмнө "Birthday Cake", "Turn Up the Music" зэрэг дууг дуэт дуулжээ.
Хосууд 2009 онд “Grammy” наадмын үдэш муудалцаж, Крис Рианнад гар хүрснээс болж салсан юм. Харин дуучин Рианна өнгөрсөн наймдугаар сард Опратай ярилцлага хийх үедээ Кристэй эргэн нийлэхийг хүсч буй болон түүнд одоо ч хайртай хэмээн ярьж байсан билээ.
