Буриад Улсын Ардын жүжигчин, ОХУ-ын "Премьер министр" хамтлагийн дуучин Б.Амархүү “Гэртээ харих зам” нэртэй анхны бие даасан тоглолтоо монголчууддаа хүргэхээр болжээ. Тоглолт өнөөдөр болон маргааш “Улаанбаатар палас”-ын концертын их танхимд болох юм.Дуучин Б.Амархүү тоглолтынхоо үеэр монгол, орос дуунуудаас бүрдсэн шинэ цомгийнхоо нээлтийг хийнэ гэдгээ дуулгалаа. Тоглолтынх нь зохион байгуулагчаар түүний аав н.Борхүү ажиллаж байна. Тэрбээр “Визний асуудал бүтэмжтэй бол "Премьер министр" хамтлагийн гишүүд ирж, хүүгийн мань тоглолтод ая дуугаа өргөх байх” гэлээ.
