Сүүлийн жилүүдэд эрчимтэй хөгжиж буй монголын киноны уран бүтээлчид залуужсаар байгаа билээ. Түүний тод илрэл болж жүжигчин Т.Билэгжаргал буюу Бэкэ өөрөө зохиолыг нь бичиж, найруулан, гол дүрд нь тоглосон “Гарал угсаа” дэлгэцийн бүтээлээ өнөөдөр өлгийдөн авах гэж байна. Монголын кино урлагт нэгэн шинэ хуудас нэмнэ гэж буй түүний бүтээлийн нээлт “Өргөө” кино театрт 15.00 цагт цагаан хивсний ёслолоор эхлэх юм.
Жүжигчин Бэкэ дэлгэцийн анхны бүтээлдээ чадварлаг баг, хамт олныг бүрдүүлэн тоглуулж чадсан сүйхээтэй нэгэн. “Гарал угсаа” киноны гол дүрд “Мөрөөдлийн театр”-ын жүжигчин Т.Баттулга, УДЭТ-ын жүжигчин Л.Баттөр, “Гурван охин” хамтлагийн дуучин Г.Анхмаа, “Х-Түц” хамтлагийн жүжигчин Д.Алдармаа, М.Цэрэндолгор, Төрийн соёрхолт, Ардын жүжигчин Н.Сувд, Ардын жүжигчин П.Цэрэндагва, Гавьяат жүжигчин Г.Равдан, УДЭТ-ын жүжигчин Г.Эрдэнэбилэг, Р.Баттогтох зэрэг тайз, дэлгэцийн мундгууд чуулжээ. Түүний “мөнхийн сэдэв” хэмээн тодотгосон “Гарал угсаа” өнөөдрөөс эхлэн “Өргөө”, “Тэнгис”-ийн дэлгэцээр үзэгчдэд хүрч эхэлнэ.
www.urlag.mn Ayu
