Дуучин Риана болон түүний фенүүдийн азын тоо бол долоогийн тоо болоод байгаа. Учир нь түүний дэлхийн томоохон долоон хотоор хийх “777″ тоглолт эхэлжээ. Мөн түүний долоо дахь цомгийн нээлт болж байгаа юм. “Unapologetic” нэртэй түүний энэхүү цомгийг фенүүд нь удаан хүлээсэн юм. Түүний тоглолт лхагва гаригт Мехико хотоос эхэлсэн. Тэрээр тоглолтоо эхлүүлэхээр явахдаа 300 орчим зорчигчтой онгоцоор зорчиж, замдаа зорчигчидтой оргилуун дарс хуваан уусан байна. Тэдгээр зорчигчдын 150 нь түүний тоглолтыг сурвалжлах сэтгүүлч нар юм. Түүнчлэн тэрээр өөрийн фенүүддээ хандан “Та бүхний тусламжтайгаар амжилтад хүрсэн. Би та бүхэнд хайртай” хэмээжээ.
Тэрээр дараагийн өдрүүдэд Торонто, Парис, Стокгольм, Берлин, Лондон, Нью-Йорк хотод тоглоно.
