Монголын кино урлагийн залуу үеийн төлөөлөл болсон зургаан студи нэгдэж "НЭҮРИТ" фильм нэгдлийг байгуулсан байна. Энэ талаараа “Go” студийн найруулагч Д.Галбаяр хэлэхдээ "уран бүтээлчид төр засгийн дэмжлэггүйгээр зөвхөн өөрсдийн хүсэл зорилгоор уран бүтээлээ хийж байна. Монгол киноны нэр хүнд унах болов. Мөн киноны уран бүтээлчид нэгдэж чадахгүй байгаагаас олон улсын зах зээлд бүтээлээ гаргах боломжгүй байна. Тиймээс Монголын кино урлагт өөрсдийн энэ нэгдлээрээ бага ч гэсэн хувь нэмэр оруулах зорилгоор “Нэүрит” фильм нэгдлийг байгууллаа” хэмээн ярьжээ.
Тус кино нэгдэлд “Амьдралд тавтай морил” олон ангит киног бүтээсэн “Захиалгат инээд” хамтлаг, “Миний нууц хүү” драмын жүжгийг бүтээсэн “Go” студи, “Долоон бурхан харвадаггүй” киног хийсэн “Логикфильм”студи, “Хоёр ертөнцийн буудал” драмын жүжгийг бүтээсэн “J and S”студи, “Эзэнгүй бөгж” киног бүтээсэн “Мазаалай” фильм, “Алтантүрүү” нар нэгдэж байгаа аж. Одоогийн байдлаар Монголын кино урлагт тогтвортой уран бүтээл туурьвиж буй 40 гаруй студи, продакшн байдаг. “Гэвч өнөөдөр кино урлагт зүтгэж яваа залуу уран бүтээлчдийг нэг дээвэр дор зангидаж, уран бүтээлийнх нь чанар чансаанг нь сайжруулах байгууллага алга” хэмээн тус нэгдлийг байгуулагчид дурьдсан юм.
Та бүхнийг урлагийн тэнгэр ивээг…
www.urlag.mn