Тэртээх 15 жилийн өмнө “Охид” хэмээх нэртэй хамтлагийг байгуулан монголын рок поп урлагт хөл тавьцгаасан хөгжим бүжгийн колежийн дөрвөн охид өөрсдийн авъяас чадвар, хүч хөдөлмөрөөрөө ялгарсаар өдгөө “Sweetymotion” хэмээх нэртэйгээр уран бүтээлээ туурвиж олон олон гайхалтай хит дуунуудыг бүтээж амьдруулан үзэгч сонсогч, түмнийгээ баярлуулсаар ирсэн билээ. Ийнхүү тэд ойн баяраа анх удаа фенүүдтэйгээ хамтдаа тэмдэглэж "Улсын цирк"-д үнэхээр гайхамшигтай, дахин давтагдашгүй оройг өнгөрүүлсэн юм.
Тэдний гайхалтай оройг бэлэглэгчид бол яахын аргагүй үнэнч фенүүд нь байсны зэрэгцээ тус хамтлагийн продюсер, хөгжмийн зохиолч, төгөлдөр хуурч Б.Чинбат болон тус хамтлагийн экс гишүүд болох С.Сэрчмаа Т.Солонгоо нар байсан юм.
Түүнчлэн тоглолтын тайз дэлгэц, гэрэл шуум гээд бүх л зүйлс нь үнэхээр сэтгэл алдарч, нүд баясам байж тэдний сэтгэлээс хөглөгдөн эгшиглэх аялгуут сайхан дуунуудад түрлэг нэмэж байлаа. Ийнхүү монголын рок поп урлагийн охидын “Number one” болох “Sweetymotion” хамтлагийнхандаа нийт сонсогч фенүүдийнх нь нэрийн өмнөөс дахин дахин чинь сэтгэлийн баярын мэндийг хүргэж байна.
Та бүхнийг урлагийн тэнгэр ивээг…
www.urlag.mn Ayu
