АНУ-ын кино, телевизийн нэрт жүжигчин CBS телевизийн “JR Ewing” олон ангит киноны од Ларри Хэгмэн 81 насандаа таалал төгссөн талаар түүний гэр бүлийхэн өчигдөр мэдэгдсэн байна. Ларри Хэгмэний гэр бүлийнхний эх сурвалжуудад мэдээлснээр Хэгмэн өнгөрсөн баасан гаригийн өглөө элэгний хорт хавдрын өвчнөө дийлэлгүй эмнэлэгт таалал төгсчээ.
Энэ үеэр Ларри Хэгмэний 35 жилийн турш найзалсан дотны анд жүжигчин Линда Грей “Тэрээр хамгийн сайн жүжигчин төдийгүй, элэгсэг дотно, сайхан сэтгэлтэй маш сайн хүн байсан” хэмээн дурсч эмгэнэл илэрхийлсэн байна.
Ларри Хэгмэний хамгийн анхны бөгөөд ихээхэн алдар хүндийг авчирсан дүр нь 1978 онд тоглосон “JR Ewing” олон ангит кино бөгөөд энэхүү бүтээл нь түүний кино урлагийн карьерт ихээхэн нөлөөлсөн гэдэг.