Цэргийн дуу бүжгийн эрдмийн чуулгын хамт олон 80 жилийн ойн баяраа угтаж сүүлийн жилүүдэд туурвисан томоохон бүтээлүүдээ үзэгчиддээ хүргэж эхэллээ. Мянганд ганц удаа тохиох 2012 оны 12 дугаар сарын 12-ны өдөр чуулгын түүхт 80 жилийн ой тохионо. Ертөнц дэлхийн элгэн дээр "Монгол" хэмээх нэрийг сийлсэн Хүннү гүрний дайчин эрс, Мөнх тэнгэрийн хүчин дор "Их Монгол" улсыг тунхагласан Чингис хааны эрэлхэг баатрууд, Ардын журамт цэргийн ялалтын уухай, яруу дууллаас улбаалан хөгжиж, шинэ цагийн мэргэжлийн урлагийн байгууллагуудын тулгын чулуу нь болсон "Цэргийн төв клуб" нэрээр ард олныхоо мэлмий сонорт хүрснээс эхлэн алдар, амжилтаар дүүрэн 80 жилийн түүхийг авьяас билэг, итгэл зүтгэлээрээ бичилцсэн үе үеийн уран бүтээлчид, тэдний гэр бүлийнхэнд болон халуун алга ташилтаараа урам хайрласан үзэгчид, эх орныхоо тусгаар тогтнолыг мөрөн дээрээ тээж яваа дайчин эрс та бүхэндээ сайн сайхны ерөөл өргөж, уянга эгшиглэсэн өргөөнийхөө гэгээн хойморт урин залж байна.
Ойн баярыг тэмдэглэн өнгөрүүлэх хүрээнд тус хамт олон нэлээд олон бүтээлч ажлыг төлөвлөн хэрэгжүүлсэн бөгөөд "Цэргийн соёл урлагийн байгууллагуудын түүхэн хөгжил, өнөөгийн байдал, ирээдүйн чиг хандлага" сэдэвт Эрдэм шинжилгээний анхдугаар хурлыг амжилттай зохион байгуулж Хурлын эмхтгэлийг нийтийн хүртээл болгохоор бэлтгээд байна. Мөн 1989 оноос эхлэн зохион байгуулагдаж буй "Эх орны цэрэг" яруу найргийн наадмын шилмэл шүлгүүдээр нэгэн ном төрж түүхийн хуудсаа зузаатгах баярт мөчийг хүлээж байна.
ЦДБЭЧ-ын 80 жилийн ойн цуврал тоглолтын хуваарь
XII/01-нд 17:00 цаг “Хүннү” дуурь. Б.Бямбабаяр
XII/02-нд 17:00 цаг “Чингис хаан” рок дуурь. С.Тараа
XII/03нд 18:00 цаг “Нэр төр” бүжгэн жүжиг. Р.Ганбат
XII/04-нд 18:00 цаг “Тоонто нютаг” дуу бүжгийн цоморлиг
XII/05-нд 16:00 цаг “Нарны охид” хүүхдийн дуулалт жүжиг.
Н.Жаргалсайхан
XII/06-нд 18:00 цаг ЦДБЭЧ-ын 4 үеийн уран бүтээлчдийн
хамтарсан тоглолт
XII/07-нд 18:00 цаг “Нэгдсэн тоглолт”
Тасалбарын үнэ: 8.000 төгрөг
ЦЭРГИЙН ДУУ БҮЖГИЙН ЭРДМИЙН ЧУУЛГА (Утас: 51-260423, 93083773, 99015279, 99613131)
Цахим хуудас: www.military-ensemble.mn
